სათბობი და დასათბუნებელი მასალების შესყიდვა

ქვეყანა:

საქართველოში

გამოქვეყნების თარიღი:

Sept 23, 2004

ბოლო ვადა:

Oct 8, 2004

მყიდველი:

ქ.თბილისის მერია

საწყისი ენა:

ქართული

მისამართი:

ზურაბ ქოჩიაშვილი
მთავარი სპეციალისტი
ქ.თბილისის მერია /განათლების საქალაქო სამსახური
ხეთაგუროვის ქუჩა №2
თბილისი
საქართველოში

ტელეფონი:

+995 32 959904

ელექტრონული ფოსტა:

დააჭირეთ აქ

გ ა ნ ც ხ ა დ ე ბ ა
ტენდერის ჩატარების შესახებ

1. ქ.თბილისის მერიის განათლების საქალაქო სამსახური -მის. ხეთაგუროვის ქუჩა №2, აცხადებს ღია ტენდერს სკოლამდელი და სასკოლო დაწესებულებებისათვის ზამთრის პერიოდში საჭირო სათბობი და დასათბუნებელი მასალების მიწოდებაზე და იწვევს ტენდერში მონაწილეობის მისაღებად ყველა დაინტერესებულ პირს.
შესყიდვა ხორციელდება 4 პოზიციის (ლოტის) მიხედვით;
1. ნავთის მიწოდება ქალაქის სკოლამდელი და სასკოლო დაწესებულებების 250 ობიექტზე, რაოდენობით 250 ტონა;
2. ქვანახშირის მიწოდება ქალაქის სკოლამდელი და სასკოლო დაწესებულებების 3 ობიექტზე, რაოდენობით 150 ტონა;
3. შეშის მიწოდება ქალაქის სკოლამდელი და სასკოლო დაწესებულებების 230 ობიექტზე, რაოდენობით 8000 მ3;
4. მინის მიწოდება ქალაქის სკოლამდელი და სასკოლო დაწესებულებების 420 ობიექტზე, რაოდენობით 18000 მ2.

2. მიწოდების სავალდებულო ვადაა 2004 წლის 1 ნოემბრიდან 2005 წლის 1 აპრილამდე.
ტენდერში გამარჯვებული პრეტენდენტების მიერ საქონლის მიწოდება მოხდება ეტაპობრივად შემსყიდველის მიერ მიმწოდებელზე გადაცემული განაცხადის საფუძველზე.
ტენდერში მონაწილეს უნდა გააჩნდეს სათანადო ბაზა მარაგებისათვის და შესაბამისი სპეც.ტრანსპორტი. ტენდერში გამარჯვების შემთხვევაში მათ საკუთარი ტრანსპორტით უნდა უზრუნველყონ სკოლამდელ და სასკოლო დაწესებულებებში განაცხადში მითითებული საქონლის შეტანა.

3. დაინტერესებულმა პირებმა საკვალიფიკაციო მონაცემები ქართულ ენაზე უნდა წარმოადგინონ 2004 წლის 7 ოქტომბრის 12 საათიდან 8 ოქტომბრის 17 საათამდე, შემდეგ მისამართზე ქ.თბილისი, ხეთაგუროვის ქუჩა №2, განათლების საქალაქო სამსახურის სატენდერო კომისიის აპარატი.

4. საკვალიფიკაციო მონაცემები უნდა შეიცავდეს შემდეგ ცნობებსა და ინფორმაციას:
4.1 იურიდიული პირისათვის:
ა) ცნობებს სასამართლოდან, რომ არ ხორციელდება მისი რეორგანიზაცია ან ლიკვიდაცია და არ მიმდინარეობს გაკოტრების ან სანაციის საქმე;
ბ) ცნობას ნოტარიუსთა პალატიდან, რომ მის ქონებაზე არ არის დადებული ყადაღა;
გ) ცნობას შსს საინფორმაციო ცენტრიდან, რომ მისი ხელმძღვანელები უკანასკნელი 5 (ხუთი) წლის განმავლობაში არ იყვნენ მსჯავრდებული და მოცემულ მომენტში მათ მიმართ არ მიმდინარეობს სისხლის სამსართლის საქმე ეკონომიკურ ან სამსახურებრივ საქმიანობასთან დაკავშირებული დანაშაულისათვის.
4.2 ფიზიკური პირისათვის:
ა) ცნობას, შესაბამისად უფლებამოსილი სამედიცინო დაწესებულებიდან, რომ ფიზიკური პირი ქმედითუნარიანია;
ბ) ცნობას შსს საინფორმაციო ცენტრიდან, რომ იგი უკანასკნელი 5 (ხუთი) წლის განმავლობაში არ იყო მსჯავრდებული და მოცემულ მომენტში მის მიმართ არ მიმდინარეობს სისხლის სამსართლის საქმე ეკონომიკურ ან სამსახურებრივ საქმიანობასთან დაკავშირებული დანაშაულისათვის;
გ) ცნობას სასამართლოდან, რომ მის მიმართ არ მიმდინარეობს გაკოტრების საქმის წარმოება.

5. იურიდიული და ფიზიკური პირი ვერ გაივლის საკვალიფიკაციო შერჩევას, თუ იგი დადგენილ ვადებში არ წარმოადგენს მე-4 მუხლში მოცემულ ყველა ცნობას და ინფორმაციას, ან რომელიმე მათგანი ყალბი აღმოჩნდება.

6. სატენდერო დოკუმენტაციის მიღება ტენდერში მონაწილე პრეტენდენტებს 500 (ხუთასი) ლარის ოდენობის სატენდერო მოსაკრებლის გადახდის შემდეგ, შეეძლებათ არუგვიანეს 2004 წლის 11 ოქტომბრის 12 საათიდან 2004 წლის 13 ოქტომბრის 17 საათამდე, შემდეგ მისამართზე: ქ.თბილისი, ხეთაგუროვის ქუჩა №2, განათლების საქალაქო სამსახურის სატენდერო კომისიის აპარატი.
სატენდერო დოკუმენტაცია შედგენილი იქნება ქართულ ენაზე.

7. ტენდერში მონაწილეობის მსურველებს განაცხადი შეუძლიათ წარმოადგინონ როგორც მთლიანად, ისე ცალკეული პოზიციების (ლოტების) მიხედვით, შესაბამისად ტენდერის შედეგად შესაძლებელია რამოდენიმე გამარჯვებულის გამოვლენა პოზიციების (ლოტების) მიხედვით.

8. დამატებითი ინფორმაცია დაინტერესებულ პირებს შეუძლიათ მიიღონ შემდეგი პირებისაგან: ზურაბ ქოჩიაშვილი - სატენდერო კომისიის აპარატის წევრი, საკონტაქტო ტელეფონი - 959904 და ბესო ჯაფარიძე - სატენდერო კომისიის აპარატის წევრი, საკონტაქტო ტელეფონი - 955278 მისამართზე: ქ.თბილისი, ხეთაგუროვის ქუჩა №2, განათლების საქალაქო სამსახურის სატენდერო კომისიის აპარატი.

სატენდერო კომისია

სათბობი და დასათბუნებელი მასალების შესყიდვა

წინადადებების მოთხოვნა

ზოგადი ინფორმაცია

საკონტაქტო ინფორმაცია

საქონელი, სამუშაოები და მომსახურეობები

თავდაპირველი ტექსტი

dgMarket-Georgia - მსოფლიოს ტენდერები